किदम्बी श्रीकांतची पद्मश्री पुरस्कारासाठी शिफारस

नवी दिल्ली, दि. 02, नोव्हेंबर - यंदाच्या मोसमात चार सुपर सीरीजची विजेतीपदं पटकावणारा भारतीय बॅडमिंटनपटू किदम्बी श्रीकांतची पद्मश्री पुरस्कारासाठी शिफारस करण्यात  आली आहे.
संसदीय कामकाज मंत्री विजय गोयल यांनी गृहमंत्री राजनाथ सिंह यांना पत्र लिहून ही शिफारस केली आहे. पद्मश्री हा देशातला चौथ्या क्रमांकाचा सर्वोच्च नागरी पुरस्कार आहे. पद्म  पुरस्कारासाठी शिफारस करण्याची अंतिम मुदत 15 सप्टेंबरच्या मध्यरात्री संपली. मात्र एका युवा खेळाडूनं बजावलेल्या कामगिरीला प्रोत्साहन मिळावं, या उद्देशानं श्रीकांतच्या  नावाची आपण पद्मश्री पुरस्कारासाठी शिफारस केल्याचं विजय गोयल यांनी सांगितलं.