फिरोजशाह कोटला मैदानाच्या प्रवेशद्वाराला विरेंद्र सेहवागचं नाव
कोटला मैदानाचं दुसर्‍या क्रमांकाचं प्रवेशद्वार सेहवागच्या नावाने ओळखलं जाणार आहे. सेहवागने काही माजी खेळाडूंच्या उपस्थितीत या प्रवेशद्वाराचं उद्घाटन केलं. डीडीसीएचा हा सकारात्मक निर्णय असल्याचं सेहवाग म्हणाला. शिवाय येत्या काळात ड्रेसिंग रुम, स्टँड आणि प्रवेशद्वारांना इतर खेळाडूचं नाव देण्यात येईल, अशी अपेक्षाही त्याने व्यक्त केली. श्रीलंकेविरुद्धच्या कसोटी मालिकेपूर्वी या कार्यक्रमाचं आयोजन करण्यात यावं, अशी विनंती केली होती. मात्र तेव्हा दुसर्‍या कार्यक्रमाचं नियोजन होतं. त्यामुळे यापुढेही तुम्हाला असे कार्यक्रम पाहायला मिळतील, असं सेहवाग म्हणाला.
