डॉक्टरची गळफास घेवून आत्महत्या

बीड, दि. 27, नोव्हेंबर - केज शहरातील एका 35 वर्षीय डॉक्टराने गळफास घेवून आत्महत्या केल्याची घटना सकाळी उघडकीस आली असून सदरील आत्महत्याचे कारण समजू शकले नाही. या प्रकरणी पोलीसांनी घटनास्थळी जावून पंचनामा केला. 

डॉ. गणेश धाट वय 35 वर्ष रा.चिंचोलीमाळी ह.मु.वकीलवाडी केज यांनी आपल्या राहत्या घरी रात्रीच्या दरम्यान गळफास घेवून आत्महत्या केली. सदरील प्रकार आज सकाळी उघडकीस आल्यानंतर या घटनेची माहिती पोलीस प्रशासनाला कळविण्यात आली. पोलीसांनी घटनास्थळी जावून पंचनामा केला. डॉ.धाट यांनी कुठल्या कारणावरून आत्महत्या केली हे मात्र समजू शकले नाही. त्यांचे शहरामध्ये खाजगी क्लिनिक होते.