राहुरी फॅक्टरी येथे शनिवारी रक्तदान शिबिर

येथील वैष्णवी चौक युवा प्रतिष्ठानच्यावतीने शनिवार १८ नोव्हेबर रोजी रक्तदान शिबिराचे आयोजन करण्यात आले असल्याची माहिती प्रतिष्ठान अध्यक्ष मछिन्द्र दौंड यांनी दिली. सामाजिक, सांस्कृतिक व धार्मिक क्षेत्रात वैष्णवी चौक अग्रेसर आहे. 

नुकताच नवरात्र उत्सव वैष्णवी चौक येथे पार पडला. या कलावधित जिल्ह्यातील मान्यवरानी भेटी देवून प्रतिष्ठानचे कौतुक केले. सामाजिक कार्यकर्ते व प्रतिष्ठानचे मार्गदर्शक वसंत कदम यांच्या जन्मदिवसानिमित्त शनिवार १८ नोव्हेबर रोजी सकाळी ९ ते ४ या वेळेत रक्तदान शिबीर संपन्न येणार आहे. या रक्तदान मोहिमेत परिसरातील युवक व नागरिकांनी सहभागी व्हावे असे आवाहन वैष्णवी चौक युवा प्रतिष्ठानने केले आहे.