कोकण रिफायनरी विरोधी संघर्ष संघटनेतर्फे रविवारी मुंबईत भव्य मेळावा
कोकणात येणारे प्रकल्प हे प्रकल्पबाधित गावच नाही तर संपूर्ण सुंदर कोकण बेचिराख करणार आहेत. कोकणातील जनतेची ताकद काय असते हे सरकारला दिसणे गरजेचे आहे. आजपर्यंत कोकणी माणूस मुंबईमध्ये कधीही एका व्यासपीठावर आला नाही. त्याचा गैरफायदा सरकारने घेऊन फक्त मतांसाठी आपला वापर केला गेला. आपले कोकण-आपली मातृभूमी वाचवण्यासाठी आणि एकजुटीचे दर्शन घडवण्यासाठी कोकणवासियांनी मोठ्या संख्येने उपस्थित राहून सरकारला आपली ताकद दाखवून द्यावी, असेही संघटनेच्या वतीने आवाहन करण्यात आले आहे.
