भाजप सरकारमुळे संपूर्ण देश व घटना संकटात - शरद यादव
गेल्या 70 वर्षांत ताजमहालबाबत कोणीही विवाद केला नव्हता. ताजमहाल ही देशाची शान आहे. जगातील 7 वे आश्‍चर्य आहे. त्यालाही भाजप सरकारने विवादात ओढले. गाय, लव्ह जिहाद, घरवापसी, दलित अत्याचार, शेतकरी आत्महत्या, आदिवासी अत्याचार या मुद्यांवर भाजपने देशाला संकटात आणले. भाजप सरकार घटनाही बदलायला निघाले आहे. पंतप्रधान नरेंद्र मोदी यांनी 2014 च्या निवडणुकीत तरुणांना रोजगार देणार, गरिबी हटविणार, शेतकरी व कामगार सुखी होणार अशी आश्‍वासने दिली होती. यातील एकही आश्‍वासनाची पूर्तता केलेली नाही. भाजप फक्त समाजामध्ये कलह व अंधविश्‍वास पसरवत आहे. त्यामुळे सर्व विरोधी पक्षांनी एकत्र येऊन भाजप सरकारला उलथवण्याची वेळ आली आहे, असे उद्गार यादव यांनी काढले.
