वांद्रे रेल्वे स्थानकानजीकच्या झोपडपट्टीला लागलेली आग आटोक्यात
सद्यस्थितीत आगीवर नियंत्रण मिळवले आहे. मात्र या आगीत किती नुकसान झाले याबाबत अद्याप माहिती मिळालेली नाही, असे अग्निशमन दलाचे मुख्य अधिकारी प्रभात रहांगदले यांनी सांगितले.
अतिक्रमणविरोधी कारवाई करण्यापूर्वी प्रशासनाने येथील नागरिकांना किमान 24 तास आधी नोटीस द्यायला हवी होती. कारवाईला करणे चुकीचे आहे असे नाही. मात्र त्यांना नोटीस देवून कारवाई करायला हवी होती, अशी प्रतिक्रिया शिवसेनेचे स्थानिक नगरसेवक हाजी अलीम यांनी दिली.
आगीचे प्रमाण जास्त असल्याने वांद्रे स्कायवॉक आणि त्याखालील वाहतूक बंद करण्यात आली होती. तसेच हार्बर मार्गावरील रेल्वे वाहतूकही बंद करण्यात आली होती. आग एवढी भीषण होती की झोपडपट्टी तसेच वांद्रे स्थानक परिसरात काळ्या धुराचे ढग जमा झाले होते.
