किमान 300 रु.वेतनाची कोकण कृषी विद्यापीठ कामगारांची मागणी
दापोलीतील डॉ. बाळासाहेब सावंत कोकण कृषी विद्यापीठात रोजंदारीवर सुमारे 350 कामगार काम करतात. त्यांना किमान वेतन किंवा इतर भत्ते मिळत नाहीत. हे कामगार भूमिपुत्र असून त्यांच्यापैकी अनेक कामगारांच्या जमिनी विद्यापीठासाठी गेल्या. प्रकल्पग्रस्त असूनही त्यांच्याकडे लक्षच दिले जात नसून कामगारांचा विचार विद्यापीठाने केला नसल्याचे निवेदनात नमूद केले आहे. केंद्र शासन निर्णयाप्रमाणे किमान 300 रुपये वेतन कामगारांना मिळावे, अशी मागणीही करण्यात आली आहे. त्यानुसार वेतन देण्याचा आदेश येऊनसुद्धा त्याची दखल घेतलेली नसल्याचा आरोप निवेदनात करण्यात आला आहे.
