राष्ट्रीय जलतरण स्पर्धेत रत्नागिरीला 20 सुवर्णपदके
नांदेड येथे झालेल्या या जलतरण स्पर्धेत देशभरातील शेकडो खेळाडू सहभागी झाले होते. रत्नागिरीतून डॉ. निशिगंधा पोंक्षे, शंकर मिलके, अश्‍विनी नलावडे आणि चिपळूणच्या माधवी साठे सहभागी झाल्या होत्या. डॉ. पोंक्षे यांनी 50 वर्षावरील गटात सहा सुवर्ण पदके मिळविली. मिलके यांनी 75 वर्षावरील गटात दोन सुवर्ण आणि दोन रौप्य पदकांची कमाई केली. नलावडे यांनी 40 वर्षावरील गटात सहा सुवर्णपदके, तर श्रीमती साठे यांनी 75 वर्षावरील गटात 6 सुवर्णपदके मिळविली. विशिष्ट वयोगटातील खेळाडूंसाठी दरवर्षी ही स्पर्धा आयो जित केली जाते. रत्नागिरीच्या संघाने या स्पर्धेत सहभागी होऊन उत्कृष्ट कामगिरी बजावली आहे.
