स्टीव्ह स्मिथकडून हार्दिक पांड्यांचे कौतुक
पांड्याबाबत बोलताना स्मिथ म्हणाला की, ‘आम्ही प्रथम फलंदाजी करताना चांगली सुरुवात केली होती. पण भारतीय गोलंदाजांनी चांगली कामगिरी केली. जर धावसंख्या 330च्या पुढे गेली असती तर सामन्याचा निकाल नक्कीच वेगळा लागला असता. पण, तरीही विजयाचं श्रेय भारताला द्यायला हवं. हार्दिकनं उत्कृष्ट खेळ केला. तो शानदार खेळाडू आहे.’ यावेळी स्मिथनं आपल्या संघाचा सलामीवीर अ‍ॅरॉन फिंचचंही कौतुक केलं. दुखापतीमुळे दोन सामन्यात बाहेर असलेल्या फिंचनं तिसर्‍या सामन्यात 124 धावांची धडाकेबाज खेळी केली. ‘फिंचनं शानदार खेळी केली. त्याचं शतक शानदार होतं. शेवटच्या काही षटकांमध्ये आम्ही चांगली फलंदाजी केली नाही. त्यामुळेच आमच्या धावा कमी झाल्या.’ असंही स्मिथ यावेळी म्हणाला.
Post Comment