विधिमंडळ कामकाज अभ्यासण्यासाठी जर्मनीला भेट देणार - रामराजे नाईक-निंबाळकर
दोन्ही देशांतील औद्योगिक संबंध वाढविण्यासंदर्भातही यावेळी चर्चा करण्यात येणार आहे. जर्मनीतील स्टूटगार्ट शहर आणि राज्यातील सातारा शहर या शहरांना सिस्टर सिटीचा दर्जा देण्याबाबत शक्यता पडताळून पाहावी, असे श्री.नाईक-निंबाळकर यांनी सुचविले. ग्रामीण पार्श्‍वभूमी असणार्‍या या दोन्ही शहरातील सांस्कृतिक आणि सामाजिक साम्य त्यांनी यावेळी अधोरेखीत केले. या दौर्‍यावर जाणार्‍या शिष्टमंडळामध्ये सभापती, अध्यक्ष, उपसभापती, संसदीय कार्य मंत्री व इतर प्रमुख मान्यवरांचा समावेश असणार आहे. जर्मनीतील दूतावास, माध्यम प्रतिनिधी आणि जर्मनीतील भारतीय नागरिकांची यावेळी भेट घेण्यात येईल.
