नागपुरात अवैध दारुसाठा जप्त
उमरेड ते भंडारा पारडी आऊटर रिंग मार्गावरून एम.एच.40/ए 6592 व एमएच 31/एपी 0138 क्रमांकाच्या चारचाकीमधून अवैध दारुची वाहतूक होत असल्याच्या माहितीवरून केलेल्या कारवाईत 2 आरोपींकडून 3 लाख 75 हजार रुपयांचा दारुसाठा जप्त करण्यात आला. यावेळी आरोपी राजेश विजय जैस्वाल व राहूल जवाहर नंदेश्वर यांना अटक करून गुन्हा नोंदविण्यात आला . ही कारवाई राज्य उत्पादन विभागाच्या विभागीय उपायुक्त उषा वर्मा यांच्या मार्गदर्शनाखाली निरीक्षक डी.एस. जानराव, दुय्यम निरीक्षक ए. आर. कैकाडे, जवान आशिष वाकोडे, राहूल सपकाळ, गजानन वाकोडे, राजेश काष्टे यांनी केली.
