देशभक्ती व समाजसेवेमुळे रा.स्व. संघाचा सन्मान करतात - रविशंकर प्रसाद
राहुल गांधी अभ्यास न करता टीका करतात, असे आधी म्हणत होतो. मात्र आता ते असंबद्ध विधाने करत आहेत. राहुल गांधी यांच्या जन्माआधी भाजप अनेक राज्यांत सत्तेत होती. जर त्यांनी केलेल्या आंदोलनामुळे उत्तर प्रदेशात कर्जमाफी झाली असेल, तर जनतेने त्यांना मतदान का केले नाही, असा प्रश्नही रविशंकर प्रसाद यांनी विचारला. राष्ट्रीय स्वयंसेवक संघाविरुद्ध काँग्रेसचे उपाध्यक्ष राहुल गांधी यांचे आजोबा पं. जवाहरलाल नेहरू हेही आरोप करत होते, इंदिरा गांधी यांनीही रा. स्व. संघाविरोधात मोहीम उघडली होती . मात्र या सर्व प्रयत्नांना रा. स्व . संघ पुरून उरला आहे, असेही रविशंकर प्रसाद म्हणाले.
