सोशल मीडियावरील द्वेष संदेशाना आळा घालण्यासाठी गुजरात सरकार नवीन कायदा आणणार
याबाबतचे विधेयकाला बुधवारी होणा-या बैठकीत मंत्रिमंडळाद्वारे मंजूरी मिळण्याची शक्यता असून नंतर ते सभागृहातही मंजूर केले जाईल, असे सरकारी सुत्रांनी सांगितले. भारतीय दंड संहिता व माहिती तंत्रज्ञान कायद्यासारखे प्रभावी कायदे आपल्याकडे आहेत. मात्र, बरेचदा न्यायालय व अन्य कायदेशीर मंच पोलिसांचा युक्तीवाद विचारात घेत नाही. शिवाय सध्या असलेल्या तरतुदी अपु-या आहेत, असे ते म्हणाले. या पार्श्वभूमीवर सरकार असा नवा कायदा आणण्याच्या तयारीत असून त्यासाठी सरकारकडून गृहविभाग, कायदा, माहिती व तंत्रज्ञान विभागातील अधिका-यांना यासाठीचा मसूदा तयार करण्याचे निर्देश देण्यात आले आहेत. नवीन कायद्यांने पोलीस व कायद्याची अंमलबजावणी करणा-या यंत्रणांच्या हाती विशेष अधिकार येणार असल्याचे त्यांनी सांगितले.
