स्टार फुटबॉलपटू लायनेल मेसी लग्नाच्या बेडीत
2008 सालापासून दोघेही एकत्रच राहत होते. मेसी आणि एंटोनेला यांना लग्नाआधीच दोन मुलं आहेत. त्यांचा एक मुलगा 4 वर्षाचा आहे तर दुसरा मुलगा दीड वर्षाचा आहे. मेसी आणि एंटोनेला हे मागील 25 वर्षापासून एकमेकांना ओळखतात. वयाच्या 5व्या वर्षापासून ते एकमेकांचे मित्र आहेत.
दरम्यान, मेसीच्या लग्नाला तब्बल 250 हून अधिक जणांनी हजेरी लावली होती. यामध्ये अनेक बडे फुटबॉल स्टार होते. या सोहळ्यासाठी तब्बल 450 पोलीस अधिकारी तैनात करण्यात आले होते. तसेच जगभरातून अनेक पत्रकारांना यासाठी आमंत्रित केलं गेलं होतं. मीडिया रिपोर्टनुसार, या लग्नाला पॉप स्टार शकीरा, फुटबॉलपटू लुइस सुआरेज आणि नेमार देखील उपस्थित होते.
