भारताविरुद्धच्या सामन्यापूर्वी संगकाराचा श्रीलंकेला कानमंत्र
चॅम्पियन्स ट्रॉफीतलं आव्हान राखण्यासाठी श्रीलंकेला भारतावर मात करावी लागणार आहे. त्या पार्श्‍वभूमीवर कुमार संगकाराने श्रीलंकेला भारताला हरवण्यासाठी कानमंत्र दिला आहे. या सामन्यात श्रीलंकेच्या शिलेदारांनी टीम इंडियासमोर मान तुकवून मैदानात उतरु नये. त्यांनी निर्धाराने आणि मग्रूमीनं मैदानात उतरावं आणि सकारात्मक खेळ करावा, असं संगकाराने म्हटलं आहे.
आयसीसी चॅम्पियन्स ट्रॉफीतील भारताचा दुसरा सामना श्रीलंकेविरुद्ध होणार आहे. तर अखेरचा साखळी सामना दक्षिण आफ्रिकेविरुद्ध 11 जूनला होणार आहे. भारताने एका सामन्यात विजय मिळवल्याने क्वालिफाय होण्यासाठी आता केवळ एका विजयाची आवश्यकता आहे.
