जीएसटीपूर्वी बंपर सूटचा फायदा घेण्यासाठी ग्राहकांची झुंबड
प्री जीएसटी ऑफरमुळे इलेक्ट्रॉनिक वस्तूंची दुकाने ग्राहकांनी भरुन गेली आहे. दरम्यान, जीएसटी लागू होण्यासाठी आज शेवटचा दिवस असल्याने दुकानांमध्ये मोठी गर्दी होण्याची शक्यता आहे. कपड्यांपासून गाड्या, घड्याळावंर मोठी सूट मिळत आहे. कार, स्कूटर, मोटरसायकलही आज तुम्हा स्वस्त मिळणार आहे. काही ठिकाणी स्कूटर, मोटरसायकलवर 2,500 रुपयांपासून 5,000 पर्यंतची सूट मिळत आहे. दरम्यान सर्व वाहनं 1 जुलैपासून महाग होणार आहेत. 30 जूनला मध्यरात्री राजधानी दिल्लीत जीएसटीचं अधिकृतरित्या लॉन्चिंग होणार आहे. यानंतर 1 जुलै रोजी एका विशेष कार्यक्रमात जीएसटी लागू झाल्याची अधिकृत घोषणा केली जाईल, असं अर्थमंत्री अरुण जेटली यांनी काही दिवसांपूर्वी सांगितलं होतं.
