मुंबई, दि. 08 - दिल्ली पोलिसांच्या विशेष पथकाने अमली पदार्थांच्या तस्करी प्रकरणी समाजवादी पक्षाचे आ. अबू आझमी यांचा पुतण्याला अटक केली आहे. अबू असलम कासीम असे त्याचे नाव असून त्याच्यासोबत आणखी चार जणांना ताब्यात घेण्यात आले. 40 कोटी रुपयांचे अमली पदार्थ जप्त करण्यात आले. या कारवाईमुळे आंतरराष्ट्रीय टोळीचा कट उघड झाला आहे. वाकोला (मुंबई) परिसरातील फाईव्ह स्टार हॉटेलमधून या चौघांना अटक करण्यात आली. अटक केलेल्यांमध्ये एका महिलेचा समावेश असून कासीमने ती आपली प्रेमिका असल्याचे सांगितले आहे.
