मित्रांसोबत नदीत पोहण्यासाठी गेलेला तरुण बुडून मृत्यू
शनिवारी सकाळी मुद्दतशिर खान आपल्या मित्रांसोबत पवना नदीपात्रात पोहायला गेला. नदीत पोहत असताना अचानक तो पुलावर गेला आणि तिथून उडी मारण्याचा प्रयत्न करु लागला. मित्रांनी त्याला थांबवण्याचा प्रयत्न केला. मात्र त्यांना न जुमानता त्यानं उडी मारली आणि हीच उडी त्याच्या जीवावर बेतली. पुलावरुन त्यानं उडी तर मारली मात्र मध्येच त्याला दम लागल्यानं तो किनार्यापर्यंत पोहोचू शकला नाही. आणि त्याचा बुडून मृत्यू झाला.
