संशोधन क्षेत्रात करीअर करण्याचे स्वप्न विद्यार्थ्यांनी बघावे- सौ. तांबे
येथील रोटरी क्लब संचलिक रोटरी संडे सायन्स स्कूलतर्फे चालविल्या जाणार्या रोबोटिक्स- तंत्र व मं या तीन दिवसीय कार्यशाळेच्या उदघाटन प्रसंगी त्या प्रमुख अतिथी म्हणून बोलत होत्या.
याप्रसंगी संज्योत वैद्य, साईनाथ साबळे, प्रा.शरद तुपविहिरे, पवनकुमार वर्मा, दिलीप मालपाणी आदी उपस्थित होते. अध्यक्षस्थानी रोटरीचे अध्यक्ष सुनील कडलग होते. याप्रसंगी संगमनेर नगरपरिषदेला महाराष्ट्र शासनाचा दोन कोटी रुपयांचा पुरस्कार मिळाल्याबद्दल सौ. तांबे यांचा रोटरीतर्फे सत्कार करण्यात आला.
संज्योत वैद्य म्हणाल्या, दैनंदिन जीवनात विज्ञानाचा वापर होत असतांना चौकस विद्यार्थ्यांना अनेक प्रश्न पडतात. या प्रश्नांची उत्तरे शिक्षक-पालकांनाही देता येत नाही. या पार्श्वभूमीवर विद्यार्थ्यांनी घरातील स्मार्ट फोनवरील गुगल दादांना हे प्रश्न विचारावेत. यातून भविष्यातील आईनस्टाईन निर्माण होतील. विद्यार्थ्यांच्या जिज्ञासुवृत्तीला रोटरी संडे सायन्स स्कूलच्या माध्यमातून मिळणार्या प्रोत्साहनाबाबत त्यांनी रोटरी क्लबचे कौतुक केले.
सुनील कडलग म्हणाले, श्रद्धा व अंधश्रद्धा यांची सिमारेषा पुसट असली तरी ती स्पष्ट करण्याचा प्रयत्न रोटरीने केला आहे. या माध्यमातून वैज्ञानिक दृष्टी असणारा नागरीक निर्माण होईल असे सांगीतले. भविष्यात रोबोटिक्स क्षेत्रात करीअरच्या खूप संधी आहेत. या क्षेत्राची आवड विद्यार्थ्यांना लागावी म्हणूनच रोटरीने या कार्यशाळेचे आयोजन केले आहे.
प्रा.शरद तुपविहीरे यांनीही आपले मनोगत व्यक्त केले. या प्रसंगी रोटरी संडे सायन्स स्कूलमध्ये प्राविण्यप्राप्त विद्यार्थ्यांना प्रमुख अतिथींच्या हस्ते पारितोषिके प्रदान करण्यात आली.
प्रास्तविकात प्रकल्पप्रमुख पवनकुमार वर्मा यांनी कार्यक्रमामागचा हेतू विषद केला. कार्यक्रमाचे सुत्रसंचलन अजित काकडे यांनी केले तर आभारप्रदर्शन सचिव साईनाथ साबळे यांनी केले.
