पंतप्रधानांच्या सोयीनुसार कोच्ची मेट्रो प्रकल्पाचे उद्घाटन; केरळ सरकारची माघार
पंतप्रधान मोदी हे कार्यक्रमाला उपस्थित राहू नये म्हणून केरळ सरकारने जाणीवपुर्वक ही तारीख निश्‍चित केली होती, असा आरोप भारतीय जनता पक्षाकडून करण्यात आला होता. केरळ सरकारकडून निश्‍चित करण्यात आलेली तारीख आणि पंतप्रधान मोदी यांचा युरोप दौरा त्याच कालावधीत आहे, असे भारतीय जनतापक्षाचे केरळमधील अध्यक्ष कुम्मनम राजशेखरन यांनी नमूद केले.
कोच्ची मेट्रो प्रकल्पाच्या उद्घाटनाच्या तारखेसंबंधी काही तरी गैरसमज झाला आहे. आम्ही अजून उद्घाटनाची तारीख ठरवलेली नाही, असे केरळचे मुख्यमंत्री पिनाराई विजयन यांनी सांगितले. आता पंतप्रधान मोदी हे जी तारीख देतील त्या नुसार उद्धाटन केले जाईल, असेही त्यांनी नमूद केले.
