बिहारमधील मद्यसाठा संपवण्यासाठी 31 जुलैपर्यंतची मुदत - सर्वोच्च न्यायालय
31 मार्च रोजी न्यायालयाने मद्य निर्मिती कंपन्यांना 31 मे पर्यंत बिहारमधील सर्व साठा संपवण्याची परवानगी दिली होती. राज्यात दारू बंदी कायदा लागू झाल्यानंतर गोदामांत मद्याचा साठा पडून होता. त्यामुळे हा साठा संपवण्यासाठी तीन महिन्यांची मुदत देण्याचे आदेश सरकारला द्यावेत, अशी मागणी न्यायालयाकडे करण्यात आली होती. यावर 30 मार्च रोजी कायदा मंजूर करण्यात आला असून 30 एप्रिलपर्यंत कंपन्या गोदामातून मद्य बाहेर काढण्याची मुदत देण्यात आली होती, असे राज्य सरकारच्या वतीने सांगण्यात आले. आज झालेल्या सुनावणीत कंपन्यांना दोन महिन्यांची मुदत देण्यात आली.
