स्त्री भ्रूण हत्या रोखण्यासाठी गर्भलिंग निदान चाचणी अनिवार्य?
गर्भवती मुलीला जन्म देणार असल्यास सोनोग्राफीच्या वेळी तिची नोंद करुन, मुलीचा जन्म होईपर्यंत तिची देखरेख करण्याची तरतूद प्रस्तावात करण्यात आली आहे. मुलगी असल्यास गर्भपात होत नाही ना, यावर लक्ष ठेवण्याचं प्रस्तावात सुचवलं आहे. स्थानिक पातळीवर गर्भवती आणि तिच्या पतीचा फॉलो अप घ्यावा. त्यांनी चेकअपला गैरहजेरी लावल्यास त्यांच्या घरी जावं, असं म्हटलं आहे. काँग्रेस आमदार गोपालदास अग्रवाल यांच्या अध्यक्षतेखालील समितीने ही मागणी उचलून धरली आहे. 2010 मध्ये महाराष्ट्रात एक हजार मुलांमागे 854 मुली होत्या. 2011 मध्ये हा आकडा 861 वर गेला. तर 2014 मध्ये एक हजार मुलांमागे 919 मुलींची नोंद आहे. गेल्या महिन्यात सांगलीतील म्हैसाळमध्ये 19 स्त्री भ्रूणांची हत्या झाल्याची घटना समोर आल्यानंतर सरकारने गांभीर्याने पावलं टाकण्यास सुरुवात केली आहे.
