कृष्णा कारखान्याचे दोन कर्मचारी ताब्यात
ऊसतोडणी-वाहतूक कंत्राटदारांच्या नावावर बनावट स्वाक्षर्‍या करून बोगस कर्ज काढल्याप्रकरणी यशवंतराव मोहिते कृष्णा सहकारी साखर कारखान्याचे सांगली जिल्ह्यातील तीन तर सातारा जिल्ह्यातील चार माजी संचालकांना अटक केली होती. तर यापूर्वी माजी चेअरमन अविनाश मोहिते, माजी व्हाईस चेअरमन सुरेश पाटील यांना यापूर्वी पोलिसांनी अटक केली आहे.
याप्रकरणी कारखान्यातील दोन कर्मचारी पोलिसांनी ताब्यात घेतले आहे. बोगस कर्ज प्रकरणामध्ये यांचा सहभाग असून नेमकी यात त्यांची भूमिका काय याची चौकशी पोलीस करत आहेत. बोगस कर्ज प्रकरणात अटक केलेल्यांची संख्या अकरा झाली असून आणखी काही जणांकडे चौकशी सुरू आहे. लवकरच अशा संशयितांना पोलीस ताब्यात घेतील.
