‘लवकरच पेट्रोल, डिझेल घरपोच मिळणार’, पेट्रोलियम मंत्र्यांची ट्विटरद्वारे माहिती
दरम्यान, ही सुविधा कोणत्या ठिकाणी देणं शक्य आहे यासंदर्भात पेट्रोलियम मंत्रालयाचा अभ्यास सुरू आहे. पेट्रोल पंपावरच्या मोठ्या रांगांपासून ग्राहकांची सुटका करण्यासाठी ही सुविधा सुरु करण्याचा सरकारचा मानस असल्याचं समजतं आहे. पेट्रोल आणि डिझेल घरपोच मिळणार असलं तरीही त्यासाठी तुम्हाला प्री-बुकींग करावी लागणार आहे. सरकारी आकडेवारीनुसार देशभरात 59 हजार 595 पेट्रोलपंप असून, दररोज साडे चार कोटी ग्राहक पेट्रोल-डिझेलची खरेदी करतात. दररोज 1800 कोटी रुपये किंमतीच्या पेट्रोल आणि डिझेलची विक्री केली जाते. पेट्रोलियम उत्पादनांपैकी गॅस सिलेंडर घरपोच मिळतो. त्याच धर्तीवर पेट्रोल आणि डिझेलही घरपोच मिळू शकणार आहे.
