शिवनगरच्या मनपा शाळेत डिजिटल लॅबचे लोकार्पण ; लोकसहभागातुन साकार उपक्रम

बुलडाणा, दि. 21 -  शिवनगर मनपा उच्चं प्राथमिक मराठी मुलांची शाळा क्र.17 मध्ये नुकतेच लोकसहभागातून डिजिटल लॅब चे लोकार्पण करण्यात आले. नगरसेविका मंजुषा शेळके यांच्या अध्यक्षतेत संपन्न या लोकार्पण सोहळ्यात उदघाटक म्हणून महापौर विजय अग्रवाल उपस्थित होते तर प्रमुख पाहुणे म्हणून उपायुक्त समाधान सोळंके,उपायुक्त दीपाली भोसले, शिक्षणाधिकारी शाहीन सुलताना, नगरसेवक अनिल गरड, सतीश ढगे, तुषार भिरड, कैलास खेते आदी उपस्थित होते.
कार्यक्रमात या डिजिटल लॅब साठी सहकार्य करणारे कोटरवर,रफिकभाई, कमलेश भरणे,अजय जहागीरदार,गणेश कागदे,शुभम बालंगे,संगीतकार मोहोड ,राजू गोगटे,पेंटर शिरभाते,वनारे आदींचा गौरव करण्यात आला.
स्वागत गीत कु. प्राची इंगळे यांनी तर खाऊ वितरण शिक्षिका घाटोळे  यांनी केले .प्रास्ताविक मुख्याध्यापिका सौ.कोकिळा काकड,संचालन कु प्रिया सांगळे यांनी तर आभार मानकर सर यांनी मानलेत. यावेळी धरमकर, पाटील मॅडम, गरड मॅडम, नकास्कर, गोडले, कुरळकर, शेरकर, सोनटक्के, संदीप जंजाळ समवेत सहयोगकर्ते, पालक, शिक्षक व विद्यार्थी मोठ्या संख्येने उपस्थित होते.