मुंबई, दि. 06 - इंडियन प्रीमियर लीगच्या निमित्ताने ट्विटरातींनी इमोजीचं खास गिफ्ट मिळालं आहे. ट्विटरवर आयपीएलची चर्चा करताना, किंवा काही ट्विट करताना तुम्हाला क्रिकेटवीरांचे इमोजी किंवा स्माईलीही वापरता येणार आहेत. आयपीएलच्या दहाव्या मोसमाचं निमित्त साधून ट्विटरने पहिल्यांदाच 30 दिग्गज क्रिकेटवीरांचे इमोजी लॉन्च केले आहेत. हॅशटॅग आणि खेळाडूचं नाव टाईप केल्यावर हे इमोजी तुमच्या ट्विटमध्ये अवतरतील. सनरायझर्स हैदराबाद आणि रॉयल चॅलेंंजर्स बंगळुरु यांच्यातील लढतीने आयपीएलच्या दहाव्या मोसमाला हैदराबाद येथून सुरुवात झाली. सिक्सर किंग युवराज सिंहच्या धडाकेबाज खेळीने पहिला सामना अविस्मरणीय बनला.
