भंडार्‍यात वाहतूक पोलिसाची विष पिऊन आत्महत्या, सुसाईड नोट सापडली !
घटनास्थळावरून पोलिसांनी दुचाकी तसेच विष आणि सुसाईड नोट जप्त केली. आपल्याच विभागातील एका वरिष्ठ अधिकार्‍याच्या जाचाला कंटाळून आत्महत्या केली असल्याची माहिती सुसाईड नोटमध्ये आहे, अशी माहिती सूत्रांनी दिली. मृत वाहतूक पोलिस रतन वालदे यांच्या सहकार्‍याच्या माहितीनुसार, गेल्या काही दिवसांपासून रतन वलदे हे नैराश्याने ग्रासले होते. रतन वालदे यांच्या आत्महत्येमुळे भंडारा पोलिस दलात मोठी खळबळ उडाली आहे. मात्र, भंडारा पोलिसांनी या घटनेवर मौन बाळगलं आहे. तर रतन वालदे यांचे सासरे आणि साले हे देखील पोलिसात खात्यात नोकरी करत असल्याने त्यांच्या कुटुंबीयांनीही याबाबत बोलणे टाळले असल्याने आत्महत्या करण्याचे नेमके कारण कळू शकले नाही.
