लखनौ, दि. 06 - भारताचा माजी क्रिकेटर मोहम्मद कैफ दुसर्‍यांदा बाबा बनला आहे. कैफच्या घरी छोट्या परीचा जन्म झाला आहे. मोहम्मद कैफने स्वत: ट्विटरवरुन याची माहिती दिली. यानंतर कैफवर शुभेच्छांचा वर्षाव सुरु झाला. मास्टर ब्लास्टर सचिन तेंडुलकर, वीरेंद्र सेहवाग, आर पी सिंह, आकाश चोप्रासह अनेक खेळाडूंनी मोहम्मद कैफला शुभेच्छा दिल्या. मोहम्मद कैफ दुसर्‍यांदा बाबा बनला आहे. त्याला पाच वर्षांचा मुलगा असून त्याचं कबीर आहे.
मोहम्मद कैफने मंगळवारी ट्वीट केलं की, मला हे सांगताना अतिशय आनंद होतोय की, आमच्या कुटुंबात नव्या सदस्याची एन्ट्री झाली आहे. पूजा आणि मी एक सुंदर आणि सृदृढ मुलीचे आई-बाबा बनलोय. कैफने ये ट्वीट करताच त्याच्यावर शुभेच्छांचा जणू पाऊसच पडला. सचिन तेंडुलकर, अनिल कुंबळे, इरफान पठाण, आकाश चोप्रा, हरभजन सिंहसह अनेक खेळाडूंनी त्याला शुभेच्छा दिल्या.
