महिला अधिकारी, कर्मचार्यांचे काम अभिमानास्पद : हस्तीमल मुनोत
जागतिक महिला दिनानिमित्त मर्चंटस् बँकेच्या तारकपूर शाखेत कार्यरत असलेल्या महिला अधिकारी व कर्मचार्यांचा मुनोत यांच्या हस्ते गुलाबपुष्प देवून सन्मान करण्यात आला. यावेळी ते बोलत होते. कार्यक्रमास बँकेचे चेअरमन संजीव गांधी, व्हा.चेअरमन विजय कोथंबिरे, संचालिका मीनाताई मुनोत, मुख्य कार्यकारी अधिकारी सुरेश कटारिया आदी उपस्थित होते.
मुनोत पुढे म्हणाले की, मर्चंटस् बँकेने महिलांना काम करण्यास नेहमीच प्रोत्साहन देण्याची भूमिका घेतलेली आहे. तारकपूर शाखेचे संपूर्ण कामकाज महिला अधिकारी व कर्मचारी पाहतात.ग्राहकांची गरज ओळखून तारकपूर शाखेचे कामकाज सकाळी तसेच सायंकाळी चालते. याठिकाणी सर्व प्रकारच्या बँकिंग सुविधा ग्राहकांना मिळतात. महिलांनी आपल्या उत्कृष्ट कामातून बँकेच्या यशात सिंहाचा वाटा उचलला असल्याचे त्यांनी म्हटले. चेअरमन संजीव गांधी म्हणाले की, मर्चंटस् बँकेला उत्कृष्ट बँकींग सेवेची मोठी परंपरा आहे. अत्याधुनिक बँकींग सुविधा देण्यावर बँकेने नेहमीच भर दिला आहे. बँकेचे संस्थापक हस्तीमलजी मुनोत व संचालकांनी बँकेची एक तरी महिला शाखा व्हावी, असा मानस केला होता. त्यानुसार तारकपूर शाखेत महिलांना संपूर्ण कामकाजाची जबाबदारी देण्यात आली. संस्थेच्या यशात तेथिल अधिकारी, कर्मचार्यांची कार्यक्षमता महत्त्वाची असते. बँकेने महिला अधिकारी, कर्मचार्यांना नेहमीच पाठबळ दिले असून त्यांनीही स्वत:च्या कामगिरीने बँकेच्या नावलौकिकात भर टाकण्याचे काम केले आहे. यावेळी मीनाताई मुनोत यांनीही महिला दिनानिमित्त शुभेच्छा व्यक्त केल्या. व्हा.चेअरमन कोथंबिरे यांनी आभार मानले.कार्यक्रमास बँकेतील महिला अधिकारी, कर्मचारी मोठ्या संख्येने उपस्थित होत्या.
मान्यवरांच्या हस्ते विविध स्पर्धेतील विजेत्यांना ट्रॉफी व प्रमाणपत्रे देण्यात आली.सांघिक करंडक एमसीए द्वितीय वर्षाच्या विध्यार्थ्यांनी पटकाविला. कार्यक्रमाचे सूत्रसंचालन तरुण बजाज याने केले तर आभार साक्षी मध्यानने मानले. यावेळी आयएमएसचे प्राध्यापक, कर्मचारी, विध्यार्थी मोठ्या संख्येने उपस्थित होते.
