मुंबई पालिकेत यशवंत जाधव शिवसेनेचे गटनेते!
यशवंत जाधव हे गेल्या 38 वर्षापासून शिवसेनेत आहेत. जाधव यांनी मागील सात वर्ष स्थायी समितीचे सदस्यपद सांभाळलं आहे. त्यामुळं त्यांच्या अनुभवाचा फायदा करुन घेण्यासाठी गटनेतेपदी त्यांची निवड करण्यात आल्याचं शिवसेनेनं जाहीर केलं आहे. जाधव हे 1997 साली पहिल्यांदा नगरसेवक झाले. त्यांनी मुंबई महापालिकेत 7वर्षे स्थायी समितीचे सदस्यपद, तसंच स्थापत्य समिती शहर, प्रभाग समिती अध्यक्षपद, बाजार आणि उद्यान समिती अध्यक्षपद भूषविले आहे.
