शिवसेना-भाजपची युती तुटली, महाराष्ट्रात शिवसेना स्वबळावर लढणार
‘गेली 25 वर्ष शिवसेना युतीत सडली. पण आता ही फरफट होणार नाही. तुम्ही मला वचन देत असाल तर मी निर्णय घेतो आहे की, आता यापुढे शिवसेना महाराष्ट्रात भगवा फडकवेल. कोणाच्याही समोर युतीसाठी कटोरं घेऊन जाणार नाही. महाराष्ट्रात कुठेही यापुढे मी युती करणार नाही.’ असं म्हणत उद्धव ठाकरेंनी भाजपशी काडीमोड घेतल्याचं जाहीर केलं.
‘युतीच्या बैठकीत 114 जागांची मागणी भाजपकडून करण्यात आली. हा शिवसेनेचा अपमान होता. त्यानंतर कोणताही फोन मला आला नाही. आमच्या अनिल देसाईंना फोन आला होता. ‘बघू युती झाली तर वैगरे..’ असं त्यावेळी फोनवर त्यांनी सांगितलं.’ ‘शिवसेनेची गेली 25 वर्ष युतीमध्ये सडली. पण आता यापुढे मी कुणासमोर झुकणार नाही, वाकणार नाही. शिवसेनेच्या नव्या वाटचालीची घोषणा करतो आहे. मी निखार्यावर चालणार आहे. तुम्हालाही माझ्यासोबत निखार्यासोबत चालावं लागणार आहे. त्यामुळे यापुढे शिवसेना महाराष्ट्रात स्वबळावर भगवा फडकवेल. शिवसेना महाराष्ट्रात कुठेही युती करणार नाही. यापुढे कुणासमोरही कटोरं पसरणार नाही.’
