जवानांना आता थेट लष्कर प्रमुखांकडे तक्रार मांडता येणार!
लष्कराची अंतर्गत तक्रार निवारण व्यवस्था आहे. मात्र सगळीकडे तक्रार करुनही समाधान न झाल्यास जवान या नव्या सेवेमार्फत थेट लष्कर प्रमुखांशी संपर्क साधू शकतात, असं लष्करातील एका अधिकार्याने सांगितलं. तक्रार करण्यासाठी फोटो, व्हिडिओ किंवा मेसेज अशा कोणत्याही माध्यमातून जवानांना तक्रार करता येईल. गेल्या काही दिवसांपासून जवानांकडून त्यांच्या तक्रारी सोशल मीडियावर मांडण्यात आल्या होत्या. सर्वात अगोदर बीएसएफ जवान तेज बहादूरने चांगलं जेवण दिलं जात नसल्याची तक्रार केली होती. त्यानंतर सीआरपीएफ जवान जीत सिंहने सुविधा मिळत नसल्याची तर सेनेच्या जवानाकडून अधिकारी घरगुती काम करुन घेत असल्याची तक्रार केली आली होती.
