इस्तंबुलमध्ये 2 भारतीयांसह 39 जणांचे प्राण घेणारा अटकेत
नववर्षाचं सेलिब्रेशन करण्यासाठी इस्तंबुलच्या रेना नाईटक्लबमध्ये पार्टीचं आयोजन करण्यात आलं होतं. यावेळी सांताक्लॉजच्या वेशात आलेल्या दहशतवाद्यानं अंधाधुंद गोळीबार केला. यात 39 नागरिकांचा मृत्यू झाला असून त्यात दोन भारतीयांचाही समावेश आहे. मुंबईच्या राजकीय आणि सिनेवर्तुळात प्रसिद्ध असलेले आणि माजी राज्यसभा खासदार अख्तर हसन रिझवी यांचा मुलगा अबिस रिझवी यांचा इस्तंबूलमधील हल्ल्यात मृत्यू झाला. तर गुजरातमधील खुशी शाह ही फॅशन डिझायनरही हल्ल्याचं सावज ठरली.
