’लास्ट ख्रिसमस’ गाणार्‍या पॉपस्टार जॉर्ज मायकलचं ख्रिसमसलाच निधन
1963 साली जन्मलेल्या जॉर्जने 80 च्या दशकामध्ये पॉप विश्‍वामध्ये वादळ आणलं होतं. शाळेतील मित्रांसह जॉर्जने व्हाम नावाचा म्युझिक बॅण्ड सुरु केला. ‘केअरलेस व्हिस्पर’ या अल्बमने तेव्हा धुमाकूळ घातला. त्या अल्बमच्या तब्बल 60 लाख प्रती विकल्या गेल्या. जॉर्जच्या सर्व अल्बमच्या मिळून तब्बल 10 कोटी प्रती विकल्या गेल्या आहे. त्यानंतरच्या तीन दशकांमध्ये जॉर्ज मायकलचं गारुड तरुणाईवर कायम राहिलं. गुड लुक्स, स्टेज अपियरन्स आणि लेटेस्ट फॅशन ट्रेण्ड्समुळे जॉर्ज कायमच तरुणाच्या गळ्यातील ताईत बनला.
