जीवनावश्यक वस्तू अन् डाळींची साठेबाजी करणार्यांवर कडक कारवाई ˆ जिल्हाधिकारी
जिल्हाधिकारी कार्यालयातील जिल्हा नियोजन सभागृहामध्ये जिल्हाधिकारी शिवाजी जोंधळे यांच्या अध्यक्षतेखाली जीवनावश्यक वस्तुंचा काळाबाजार, प्रतिबंध व जिवनावश्यक वस्तुंचा पुरवठा सुरळीत ठेवण्यासाठी जिल्ह्यातील सर्व डाळींचे आयातदार, घाऊक व किरकोळ व्यापारी यांच्या बैठकीचे आयोजन करण्यात आले होते. त्याप्रसंगी मार्गदर्शन करताना जिल्हाधिकारी जोंधळे बोलत होते. या बैठकीस सहाय्यक जिल्हा पुरवठा अधिकारी डी.एन. भारस्कर, नायब तहसिलदार गणेश पोलास यांची उपस्थिती होती.
