तांदळाच्या आधारभूत किमतीत वाढ
तांदळाच्या आधारभूत किंमतीबाबतचा निर्णय केंद्रीय आर्थिक व्यवहार समितीच्या (सीसीईए) बैठकीत घेण्यात आला. तसेच डाळींच्या उत्पादनात वाढ होण्याच्या उद्देशाने डाळींच्या एमएसपीमध्येही वाढ करण्यात आली आहे. 2015-16 मध्ये विविध प्रकारच्या तांदळाच्या ग्रेड‘साठी वेगळी आधारभूत किंमत निश्चित करण्यात आली होती. सर्वसाधारण तांदळासाठी प्रतिक्विंटल 1410 रुपये तर ए ग्रेडच्या तांदळासाठी प्रतिक्विंटल 1450 भाव देण्यात आला होता. चालू वर्षात खरीब हंगामासाठी ए ग्रेडच्या तांदळाला प्रतिक्विंटल 1510 रुपयांचा भाव देण्यात आला आहे.
