पाच लाखात घर देणार्या बिल्डर्सच्या कार्यालयाची मनसेकडून तोडफोड
पंतप्रधान आवास योजनेतंर्गत पाच लाखात घर देण्याची जाहिरात मॅपल ग्रुपने केली होती. या जाहीरातील पुण्याचे पालकमंत्री गिरीश बापट, पंतप्रधान नरेंद्र मोदी आणि मुख्यमंत्री देवेंद्र फडणवीस यांची छायाचित्रे वापरण्यात आली होती. या छायाचित्रांवरुन सरकारी योजना असल्याची चर्चा सुरु झाल्यानंतर मुंबईतील भाजप खासदार किरीट सोमय्या यांनी रीतसर तक्रार दाखल केली. सरकारनेही आपला या योजनेशी कोणताही संबंध नसल्याचा खुलासा केला. त्यानंतर या कंपनीवर कारवाई करण्याचे आदेश सरकारने दिले. पण अद्यापही या कपंनीच्या कार्यालयाबाहेर रांगा लागल्या आहेत. त्यामुळे या कंपनीवर कोणतीही कारवाई झालेली नाही.
