लायन्स, लायनेस व लिओ क्लब ऑफ कोपरगावची नूतन कार्यकारणी जाहीर

कोपरगाव / श. प्रतिनिधी 
तालुक्यात मोफत जयपूर फूट, सर्व रोग निदान शिबिर, लायन्स एक्सपो अशा विविध सामाजिक कार्याने प्रसिद्ध असलेल्या लायन्स, लायनेस व लिओ क्लब ऑफ कोपरगावची नूतन कार्यकारणी राजेश ठोळे यांनी नुकतीच जाहीर केली. लायन्स क्लब अध्यक्षपदी डॉ. अभिजीत विलास आचार्य, सचिव अभिनंदन राजेंद्र शिंगी, खजिनदार सी.ए. स्वप्निल प्रेम भंडारी, लायनेस क्लब अध्यक्ष डॉ. मंजूषा बानेज गायकवाड़, सचिव नीता सत्येन मुंदडा, खजिनदार नेहा मनोज बत्रा, लिओ क्लब अध्यक्ष योगेश पटेल, सचिव रोहित पटेल, खजिनदार पृथ्वी शिंदे, नूतन पदाधिकारी शपथविधी कार्यक्रम रविवार दि. 8 जुलै रोजी कोपरगाव येथे होणार आहे. कार्यक्रमास शपथविधी अधिकारी म्हणून, लायन्स क्लबचे माजी रिजन चेअरमन संदीप कोयटे व नूतन सदस्यांना शपथ देण्यासाठी लायन्सचे माजी रीजन चेअरमन सत्येन मुंदडा उपस्थित राहणार आहेत. मावळते अध्यक्ष सुरेश शिंदे व पदधिकार्‍यांनी उत्तम असे कार्य करून, कोपरगाव क्लबला 16 पारितोषिक मिळवून देवून एक विक्रम स्थापन केला आहे.