भूतानचे पंतप्रधान भारत दौर्‍यावर

नवी दिल्ली : भूतानचे पंतप्रधान दशे तशेरिंग तोबगे आजपासून तीन दिवसीय भारत दौर्‍यावर येत आहेत. या तीन दिवसीय भारत भेटीदरम्यान भूतानचे पंतप्रधान राष्ट्रपती रामनाथ कोविंद यांची भेट घेणार आहेत आणि पंतप्रधान नरेंद्र मोदी यांच्याशी देखील ते चर्चा करणार आहेत. परराष्ट्र मंत्री सुषमा स्वराज आणि अन्य खात्याचे मंत्री भुतानच्या पंतप्रधानांना यावेळी भेटणार आहेत. परराष्ट्र मंत्रालयाच्या म्हणण्यानुसार, भारत आणि भूतान मित्रत्वाच्या आणि परस्पर सहकार्यामुळेच गेल्या पन्नास वर्षापासून या नातेसंबंधाचा आनंद घेताना दिसत आहेत. ज्यामध्ये अत्यंत विश्‍वास आणि परस्पर समन्वय आजपर्यंत टिकून आहे.