पोलीस भरती सरावादरम्यान युवतीचा हृदयविकाराच्या झटक्याने मृत्यू

पोलीस भरतीसाठी धावण्याचा सराव करताना 20 वर्षीय युवतीचा हृदयविकाराच्या झटक्याने मृत्यू झाल्याची धक्कादायक घटना सांगलीतील विटा शहरात घडली. कोमल दत्तात्रय पवार असं या युवतीचे नाव आहे. विटामधील बळवंत महाविद्यालयाच्या मैदानावर आज सायंकाळच्या सुमारास ही घटना घडली.बळवंत महाविद्यालयाच्या जवळील सुळेवाडी हे कोमलचे गाव. कोमल बीएस्सीच्या दुसऱ्या वर्षात शिक्षण घेत होती. तसंच सध्या ती पोलीस भरतीसाठी मैदानी सरावही करायची.