संतोष जिरेसाळ यांची निवड

पाथर्डी तालुका महाराष्ट्र नवनिर्माण सेनेच्या तालुकाध्यक्षपदी संतोष जिरेसाळ यांची सर्वानुमते निवड करण्यात आली. शेवगांव-पाथर्डी विधानसभा मतदारसंघातील कर्यकर्त्यांच्या मेळाव्याचे आयोजन शेवगाव येेथे करण्यात आले होते. या मेळाव्यात जिरेसाळ यांच्या निवडीची अधिकृत घोषणा करण्यात आली. मनसेचे जेष्ठ नेते बाळा नांदगावकर, अहमदनगर जिल्हा सरचिटणीस तथा पक्ष निरिक्षक राजा चौगुले, महाराष्ट्र नवनिर्माण विद्यार्थी सेनेचे जिल्हाध्यक्ष किरण पालवे यांनी संतोष जिरेसाळ यांनी केलेले संघटन व भरीव पक्षकार्य श्रेष्ठींच्या निदर्शनास आणून देत जिरेसाळ यांच्या नावाची शिफारस केली होती.

याची दखल घेऊन महाराष्ट्र नवनिर्माण सेनेच्या सरचिटणीस रिटा गुप्ता, राजा चौगुले, उपाध्यक्ष विनय भोईटे,योगेश परूळेकर यांनी पक्षाध्यक्ष राज ठाकरे यांच्या आदेशान्वये जिरेसाळ यांच्या निवडीची घोषणा केली.यावेळी राम भवार, राजेंद्र झाडे, गणेश शेटे, आकाश फुलारी, शुभम घोंगडे, संतोष बावणे, संदीप काकडे, अभिषेक चिंतामणी, प्रशांत देशमुख, विजय कर्डीले, किशोर झांबरे, गणेश अबदार आदी कार्यकर्ते उपस्थित होते. जिरेसाळ यांनी सामाजिक, शैक्षणिक, आरोग्य आदि प्रश्‍नांवर सातत्याने संघर्ष करुन त्यांची सोडवणूक केल्याने त्यांच्यासारख्या कर्तव्यतत्पर युवकाची मनसेच्या तालुकाध्यक्षपदी निवड झाल्यामुळे शहरातून तसेच तालुक्यातून त्यांच्यावर अभिनंदनाचा वर्षाव होत आहे.