तूर खरेदीला १५ मेपर्यंत मुदतवाढ - पणनमंत्री सुभाष देशमुख

केंद्र शासनाने खरीप हंगाम २०१७-१८ साठी हमीभावाने तूर खरेदीसाठी १५ मेपर्यंत मुदतवाढ दिली आहे. तसे अधिकृत पत्र आज पणन विभागाला प्राप्त झाले आहे, अशी माहिती सहकार व पणनमंत्री सुभाष देशमुख यांनी आज दिली.

राज्यात हमीभावाने तूर खरेदीची मुदत १८ एप्रिलपर्यंत होती. राज्य शासनाने तूर खरेदीची मुदत वाढविण्यासाठी केंद्राकडे विनंती केली होती. त्यानुसार केंद्राने ही मुदतवाढ दिली आहे.