दत्तनगरमध्ये परिवर्तन महाआघाडीने राबविले स्वच्छता अभियान

शहराच्या हाकेच्या अंतरावर असलेल्या दत्तनगर गावात परिवर्तन महाआघाडीकडून स्वच्छता अभियान उपक्रम राबविण्यात आला. दत्तनगर ग्रामपंचायत हद्दीतील आंबेडकर वसाहत या ठिकाणी गेल्या अनेक दिवसांपासून घाणीचे साम्राज्य व गटारीला मोठ्या प्रमाणात डबक्याचे स्वरूप आल्याने परिसरातील सर्व सामान्य नागरिकांचा आरोग्याचा गंभीर प्रश्‍न निर्माण झाला आहे. याच प्रभागातील परिवर्तन महाआघाडीचे नवनिर्वाचित ग्रामपंचायत सदस्य किरण खंडागळेसह स्थानिक ग्रामस्थांच्या विशेष पुढाकाराने जेसीबीच्या सहाय्याने परिसराचा परिसराचा चेहरामोहरा बदलला आहे. यावेळी या स्वच्छतेच्या अभियानात संदीप मगर, भारत त्रिभुवन, अशोक लोंढे, ग्रा.प. सदस्य अरुण वाघमारे, इसाक बागवान, संदीप गायकवाड, अनिल ओहोळ, बेबी त्रिभुवन, उषा थोरात, माया त्रिभुवन, अमोल थोरात, शैला जगताप, रतनबाई बोरडे, कमलबाई त्रिभुवन, अनिल कांबळे, आदींसह महिला, युवक वर्गाने या स्वच्छता अभियानात उत्स्फूर्तपणे सहभाग घेतला.