भिवंडीत डान्स टीचरचा संशयास्पद मृत्यू
ठाणे, दि. 03, मार्च - भिवंडीमध्ये एका डान्स टीचरचा मृत्यू झाल्याची घटना घडली आहे. लखन जयस्वाल असे मृत डान्स टीचरचे नाव असून व्हराळदेवी तलावात या शिक्षक ाचा मृतदेह सडलेल्या अवस्थेत आढळून आला. या घटनेची माहिती मिळताच पोलिसांनी घटनास्थळी पंचनामा करत मृतदेह शवविच्छेदनासाठी शासकीय रुग्णालयात पाठविण्यात आला. भिवंडीतील संगमपाडा परिसरात मृत लखन हा आपल्या नातेवाईकांसह राहत होता.
तो डान्सची आवड असणार्‍यांना त्यांच्या घरी जावून डान्स शिकवत होता. मात्र गेले दोन दिवस तो घरी न आल्याने त्याच्या नातेवाईकांनी लखन बेपत्ता झाल्याची तक्रार निजामपूर पोलीस ठाण्यात दिली होती. दरम्यान मृतक लखनचे एका विवाहितेशी प्रेमप्रकरण सुरु असल्याची माहिती त्याचा मोठा भाऊ गणेशने दिली असून या प्रेमप्रकरणातून लखनचा खून झाल्याचा आरोप गणेशने केला आहे.
तो डान्सची आवड असणार्‍यांना त्यांच्या घरी जावून डान्स शिकवत होता. मात्र गेले दोन दिवस तो घरी न आल्याने त्याच्या नातेवाईकांनी लखन बेपत्ता झाल्याची तक्रार निजामपूर पोलीस ठाण्यात दिली होती. दरम्यान मृतक लखनचे एका विवाहितेशी प्रेमप्रकरण सुरु असल्याची माहिती त्याचा मोठा भाऊ गणेशने दिली असून या प्रेमप्रकरणातून लखनचा खून झाल्याचा आरोप गणेशने केला आहे.
