जप्त केलेले साडेतीन किलो सोन्याचे दागिने पोलिसांनी नागरिकांना परत दिले

पुणे - पुणे पोलीस आयुक्तालयांच्या हद्दीतील पोलीस स्थानकामध्ये दाखल असणा-या जबरी चोरी, घरफोडी अशा 73 गुन्ह्यातील जप्त केलेला एक करोड 1 लाख रुपये किमतीचा मुद्देमाल पोलीस आयुक्त रश्मी शुक्ला यांच्या हस्ते त्यांच्या मुळ मालकांना परत करण्यात आला. 

शिवाजीनगर पोलीस मुख्यालयातील आर.एस.पी.शेड मध्ये पार पडलेल्या या कार्यक्रमात 3 किलो 562 ग्रॅम वजनाचे हिरे आणि सोन्या चांदीचे दागीने त्यांच्या मुळ मालकांच्या ताब्यात सोपवण्यात आले. मागील वर्षी (2017) मुद्देमाल वाटपाचे एकुण 4 कार्यक्रम पार पडले असून त्याद्वारे 257 नागरिकांना तीन करोड 64 लाख 84 हजार रुपये किंमतीचा चोरीला गेलेला मुद्देमाल त्यांना परत करण्यात आला होता.