पुण्यातील महिलेच्या वीजेच्या धक्क्याने मृत्यूची चौकशी करा - नीलम गो-हे

पुणे,  - कात्रज परिसरात 2 जानेवारीला एका महिलेचा वीजेच्या उघड्या तारेचा धक्का लागून मृत्यू झाल्याबद्दल चौकशी व शहरात याबाबत आवश्यक कार्यवाही क रण्याची मागणी शिवसेना उपनेत्या व प्रवक्त्या नीलम गो-हे यांनी आज निवेदनाद्वारे केली आहे. नीलम गो-हे म्हणाल्या 2 जानेवारी रोजी पुण्यातील कात्रज परिसरात एक कष्टकरी व सर्वसाधारण कुटुंबातील महिला सायंकाळी घरी परतत असताना तिला नैसर्गिक विधीकरिता गेली असता तिथे असलेल्या विजेच्या उघड्या तारेच्या संपर्कात आल्याने ती जागेवरच मरण पावल्याची घटना घडली आहे. ही अत्यंत क्लेशकारक व दुःखदायक घटना असल्याचे सांगून पुण्यासारख्या शहरातही नागरिकांना वीज जोडणी करताना खबरदारी घेण्याची आवश्यकता आहे व्यक्त केली आहे’. 

या घटनेची वीज वितरण कंपनीच्या माध्यमातून त्वरीत दखल घेतली गेली नसल्याचे नमूद करुन या घटनेनंतर पाच दिवस होऊनही याचा अहवाल स्थानिक विद्युत निरीक्षकांनी का दिला नाही याची विचारणा केली आहे. दर महिलेच्या कुटुंबियांना काही ठोस स्वरूपाची मदत करण्याची गरज व पुणे शहरात महिला स्वच्छतागृह पुरेशा व स्वच्छ प्रमाणात असावीत असे सांगून पुणे महानगरपालिकेच्या आयुक्तांसोबत सप्टेंबर 2017 मध्ये झालेल्या पुणे शहराच्या विविध प्रश्‍नावर झालेल्या बैठकीत शहरातील शाळांमध्ये असलेली स्वच्छतागृहे उपलब्ध करून देण्याची मागणी केली होती. यावर लवकरच कार्यवाही केली जाईल या आश्‍वासनाची पूर्ती करण्यात आली नसल्याचे नमूद केले आहे.