परिसर स्वच्छता उपक्रमातून नववर्षाचे स्वागत

नेवासा / शहर प्रतिनिधी /- मुलांनी गल्लीतील परीसराची स्वच्छता करून येणाऱ्या नववर्षाचे या उपक्रमातुन स्वागत केले. मुलांना शाळेतील शिक्षकाकडून स्वच्छतेसंबंधात दिले जाणारे धडे व घरातून खेळण्यासाठी बाहेर पडताना आई वडिलांकडुन तिकडे घाण आहे घाणीत खेळु नका आजारी पडताल. असे बोल ऐकून खेळायला धुम ठोकणे त्यामधे लपाछपी ,क्रिकेट, दगड माती ,पकडा पकडी , लोखंड का पानी असे रोजचे खेळ बालमंडळीनी एक वेगळा उपक्रम राबविला. शहरातील देशपांडे गल्लीतील मुला मुलींनी रविवारची शाळेला सुट्टी असताना खेळण्याचा आनंद लुटण्या ऐवजी सकाळी परिसर स्वच्छ करण्याचे मुला मुलींनी ठरवले. प्रत्येकाने आपापल्या परीने खोरे, घमेले, खराटे, रिकाम्या गोण्या परिसर स्वच्छ करण्यासाठीच्या वस्तू आणल्या .

प्रथम कागद, प्लास्टिक, दगड, झाडाची पाने गोणीत गोळा करण्यात आले. त्यानंतर बांधकामासाठी आणलेली रस्त्यावर पसरलेली वाळु खोर्‍याने ओढून ती पुन्हा रस्त्यावर येवू नये. म्हणून विटाचे कठडे करण्यात आले. गवत काढून झाल्यावर खराडे व झाडुने झाडून परीसर स्वच्छ करण्यात आला . लहान मुलांची ही स्वच्छता मोहीम सुरू असताना येणारे जाणारे त्याच्याकडे कुतूहलाने पाहत होते. 

परीसर स्वछता करण्यासाठी गोविंदा देशपांडे, साईश परदेशी, यश सोनवणे, ओम देशपांडे, शौर्य बल्लाळ , रूद्र जोशी , रूद्र देवचक्के , वरद देशपांडे , वैभव आडगावकर , भैरवी भांबरे , रेणुका देवचक्के, साक्षी देशपांडे, अनुष्का जोशी आदींनी परिश्रम घेतले.

सरत्या वर्षाला निरोप देण्यासाठी ३१ डिसेंबरला तरूण मुले डिजेच्या मोठ्या आवाजात थिरकण्याचा आनंद घेतात. त्यांनी या लहान मुलांच्या उपक्रमाचे अनुकरण केल्यास नववर्षाच्या स्वागताचा आनंद वाढेल.