आठ वर्षांपासून फरार असलेल्या आरोपीस अटक

अपघाताच्या गुन्ह्यामध्ये गेल्या आठ वर्षांपासून फरार असलेल्या आरोपीला आसेगाव पोलिसांनी गोंदीया येथून अटक केली. न्यायालयाने आरोपीची कारागृहात रवानगी केली. दिनेश विद्यानाथ शर्मा (४८) रा.कोलकाता असे अटक करण्यात आलेल्या आरोपीचे नाव आहे. 

दिनेशने आठ वर्षांपूर्वी आसेगाव पोलीस ठाण्याच्या हद्दीत अपघात केला होता. या प्रकरणी आसेगाव पोलीस ठाण्यात भादंविच्या कलम ३०४, ३३७ अन्वये गुन्हा दाखल करण्यात आला होता. परंतु दिनेश पसार झाला होता.