किशोरवयीन मुलांना मृत्यूकडे ढकलतोय सोशल मीडिया.

न्यूयॉर्क : हल्लीच बहुतांश मुले मित्रमंडळीत मिसळण्याऐवजी सोशल मीडियावरच जास्त रमलेले दिसतात. मात्र ही सवय घातक असून अशा किशोरवयीन मुलांमध्ये नैराश्य व आत्महत्येचा प्रयत्न करण्याचे प्रमाण जास्त असते, असे धक्कादायक खुलासा एका अध्ययनातून झाला आहे. नैराश्य व आत्महत्येचे हे प्रमाण खासकरून मुलींमध्ये जास्त आढळून आल्याचे अमेरिकन सायकोलॉजी सेंटरच्या अहवालात म्हटले आहे. 

हे अध्ययन अमेरिकी किशोरांवर झाले होते, पण भारतातही ब्लू व्हेल गेमच्या प्रकरणानंतर मुलांच्या सोशल मीडियाच्या वापराबाबत बरीच झाली आहे. या अध्ययनात १३ ते १८ वयोगटातील मुलांचा समावेश करण्यात आले होते. त्यांना इलेक्ट्रॉनिक उपकरणांचा वापर, सोशल मीडिया, प्रिंट मीडिया, टीव्ही व मित्रांसोबत घालविलेला वेळ यासंंबधी प्रश्न विचारण्यात आले. .

सोबतच त्यांना कितीवेळा नैराश्य येते वा आत्महत्येचा विचार डोक्यात येतो, यांसारखे मूडसंबंधी प्रश्न विचारण्यात आले. या पाहणीतून असेही लक्षात आले की, स्मार्टफोन व अन्य उपकरणांचा वापर २००९मध्ये ८ टक्के होते आणि २०१५मध्ये तो १९ टक्क्यांपर्यंत वाढला, असे या अध्ययनाचे प्रमुख स्कॉट यांनी सांगितले. जी मुले स्मार्टफोनवर रोज एक तास घालवत होते, त्यांच्या तुलनेत किमान पाच तास स्मार्टफोनला चिकटलेल्या मुलांच्या मनात आत्महत्येचा विचार ७० टक्के जास्त दिसून आला, असेही या अध्ययनातून समोर आले.

ब्रेकिंग न्यूज अपडेट्स साठी दैनिक लोकमंथन चे फेसबुक पेज लाईक आणि ट्विटर वर फॉलो करा